Ամանորին ընդառաջ, ավանդույթի համաձայն, Երևանի քաղաքապետարանի ենթակայության մանկապարտեզներում անցկացվում են Ամանորի և Սուրբ ծննդյան տոնական միջոցառումներ: Հազարավոր երևանաբնակ երեխաներ այս օրերին մասնակցում են բազմաթիվ անակնկալներով հագեցած հեքիաթային բեմադրությունների: Միջոցառման ավարտին բոլոր երեխաները Ձմեռ պապի կողմից ստանում են քաղցրավենիքի նվեր-փաթեթներ, իսկ նրանց հղված շնորհավորանքում Երևանի քաղաքապետ Տարոն Մարգարյանը բոլորին մաղթել է անհոգ մանկություն և ժպիտներով լի օրեր: Այս մասին «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից:
Մի շարք մանկապարտեզներում տոնական հանդեսներին ներկա է գտնվել նաև Երևանի քաղաքապետարանի աշխատակազմի հանրակրթության վարչության պետ Աննա Ստեփանյանը:
Նշենք, որ այս տարի Երևանի քաղաքապետարանի կողմից ամանորյա նվեր-փաթեթներ կստանան ընդհանուր առմամբ մայրաքաղաքի շուրջ 40 հազար երեխաներ, իսկ այլ ծրագրերով՝ ևս հարյուրավոր երեխաներ կարժանանան տարբեր անակնկալների:
