«Խազար» ռազմական հետազոտությունների ինստիտուտն իր կատարած հետազոտությունների հիման վրա հայտնել է, որ Ադրբեջանի զինված ուժերը 2017թ.-ին կորցրել են 59 զինծառայող:
Այս մասին հայտնում է ադրբեջանական «Թուրան» լրատվական գործակալությունը:
Ադրբեջանական զինված ուժերում գրանցված 59 կորստից 19-ը գրանցել է ռազմական գործողությունների ժամանակ, իսկ 40-ը` խաղաղ պայմաններում:
«Խազար» ռազմական հետազոտությունների ինստիտուտի փոխանցմամբ` 2017-ին վիրավորվել է Ադրբեջանի ԶՈւ 17 զինծառայող:
Ադրբեջանի պաշտպանության նախարարությունը զոհվածների և վիրավորների վերաբերյալ որևէ վիճակագրություն չի հրապարակել:
