Լրագրողների հետ զրույցում այսօր՝ հունվարի 12-ին, ՀՖՖ նախագահ Ռուբեն Հայրապետյանը խոսեց նաև «Ավան-Ակադեմիա» ակումբի մասին, որը ձեռք է բերել «Տաշիր գրուպ»-ի սեփականատեր Սամվել Կարապետյանը։
Թե որ ֆուտբոլիստները կգնան և ովքեր կմնան ակումբում, Հայրապետյանը չի կարող ասել, քանի որ դա ակումբի խնդիրն է։
ՀՖՖ նախագահը շեշտեց, որ Սամվել Կարապետյանը միշտ էլ եղել է հավաքականի կողքին․
«Պատահական չէ, որ նա այսօր ֆուտբոլում է: Սամվել Կարապետյանն այն մարդկանցից է, ովքեր միշտ եղել են հավաքականի կողքին: Նա անընդհատ աջակցել է մեզ»,- ասաց Հայրապետյանը։
«Ավան-Ակադեմիա»-ն Բարձրագույն խմբում հանդես գալու թույլտվություն կունենա՞ արդյոք, հարցին ի պատասխան՝ ՀՖՖ նախագահն ասաց, որ բոլոր այն ակումբները (երկրորդ ակումբ չհամարվող), որոնք կցանկանան հանդես գալ Բարձրագույն խմբում, կստանան այդ թույլտվությունը, այդ թվում նաև Ավանի «Արարատ-Մոսկվա» ակումբը»,- ասաց Ռուբեն Հայրապետյանը։
