Հունվարին Քանաքեռ-Զեյթուն վարչական տարածքում բնակարանային գողության դեպքերը շատացել են: Դռները բացում էին հարմարեցված բանալիով, օրը ցերեկով ու գողանում հիմնականում հեռուստացույց, համակարգիչ, ոսկեղեն ու փող: Առաջին դեպքը գրանցվել էր հունվարի 17-ին, սակայն տեսել էին, որ տանը մարդ կա՝ հեռացել էին: Նույն օրը, նույն շենքի մեկ այլ բնակարանից նրանք գողացել էին փող, նոթբուք, նեթբուք, ֆոտոխցիկ ու հեռուստացույցի ալեհավաք:
Հունվարի 24-25-ին դարձյալ հարմարեցված բանալիով բացել էին Ուլնեցու փողոցի բնակարաններից մեկը, գողացել հեռուստացույց, նոթբուք, երկու լուսանկարչական ապարատ, մազի հարդարման սարք:
Պարզվել է, որ Երեւանի բնակիչներ Հակոբ Հ.-ն եւ Մհեր Ս.-ն Լեփսիուս փողոցի բնակարաններից մեկից գողություն են կատարել: Հենց այդտեղ էլ ոստիկաններին հաջողվել է բռնել նրանց եւ բերման ենթարկել ոստիկանության բաժին: Նրանց մոտից հայտնաբերվել է ոսկեղեն ու տարբեր բանալիներ:
