Մարիբիռնոնգ քաղաքում (Մելբուռնի արեւմյան արվարձան) սկսել են այրվել Ավստրալիայի պաշտպանության նախարարության լքված պահեստները: Փետրվարի 28-ին այս մասին հայտնել է տեղական 7 news հեռուստաալիքը:

Հեռուստաալիքի տեղեկատվությամբ՝ հրդեհի մարմանը մասնակցում է հրշեջ ինքնաթիռ: Ինչպես հայտարարել է Մելբուռնի հրշեջ ծառայությունը, կրակը բռնկել է երեք շենքում, սակայն լուրջ վտանգ չի ներկայացնում: Բռնկման պատճառները պարզվում են, հաղորդել է ՏԱՍՍ-ը: