Ինչպես արդեն տեղեկացրել ենք, Ազգային ժողովի ընդդիմադիր պատգամավոր Նիկոլ Փաշինանը իր թիմակիցների՝ ՔՊ կուսակցության անդամների հետ, քայլարշավ է սկսել Գյումրիից դեպի Ազատության հրապարակ։ «Քաղաքացիական պայմանագիր» կուսակցության անդամներն իրենց առջեւ խնդիր են դրել անցնել Հայաստանի խոշորագույն քաղաքներով՝ Գյումրիով, Վանաձորով, Սպիտակով, Դիլիջանով, Աբովյանով, Հրազդանով:

Այսօր ապրիլի 12-ն է, Նիկոլ Փաշինյանը և իր թիմակիցները գտնվում են Հրազդանում։ Այս պահին Նիկոլ Փաշինյանը մի քանի տասնյակի հասնող աջակիցներով շարունակում է քայլարշավը։

Նիկոլ Փաշինյանը ֆեյսբուքյան իր էջում տեսանյութ է հրապարակել, որում անդրադարձել է ԱԺ-ում Արարատ Միրզոյանի և Լենա Նազարյանի իրականացրած ակցիային։