«Ժողովուրդ» օրաթերթը գրում է.
Երեկ երբ ԱԺ-ում քվեարկության էր դրվում աղմկահարույց Կանոնակարգ օրենքի փոփոխության հարցը, պարզվեց, որ նախագծի հեղինակներից (Արփինե Հովհաննիսյան, Վահրամ Բաղդասարյան) Անդրանիկ Հարությունյանը չի ներկայացել նիստին:
Հատկանշական է, որ ԱԺ արտահերթ նիստից բացակա էին նաեւ Ռիտա Սարգսյանի ընկերուհին՝ Ջեմմա Բաղդասարյանը, ՀՀԿ շախմատիստ Տաճատ Վարդապետյանը, նախկին դատախազ Գեւորգ Կոստանյանը, նախկին քաղաքապետ Գագիկ Բեգլարյանի եղբայրը՝ Հակոբ Բեգլարյանը, Արմավիրից Նահապետ Գեւորգյանը՝ Նովոն, պաշտոնաթող գեներալ Սեյրան Սարոյանը եւ «կարտոֆիլի նեղ մասնագետ» Հակոբ Հակոբյանը:
ԲՀԿ-ում էլ կային ուշագրավ բացականեր. նախկին վարչապետի որդին՝ Արգամ Աբրահամյանը, կուսակցության նախագահի փեսան՝ Դավիթ Մանուկյանը, գործարար Մելիք Մանուկյանը եւ Գյումրու նախկին քաղաքապետ Վարդան Ղուկասյանը: Թե ինչու չկային նրանք, պարզ չէ, բայց փաստ է, որ բախտները բերեց, գերի չմնացին:
Ավելի մանրամասն' «Ժողովուդ» օրաթերթի այսօրվա համարում:
