Ազգային ժողովում Ֆելիքս Ցոլակյանի մանդատը կանցնի Մարտուն Գրիգորյանին
Aravot.am-ին ԱԺ նախկին պատգամավոր Մարտուն Գրիգորյանն ասել է. «Միանշանակ վերցնելու եմ, իմ օգտին քվեարկել են մոտ 11.000 շիրակցի:Ես մեծ պատասխանատվություն եմ զգում իմ ընտրողների առջև թեկուզ 1 օր կամ 2 ամիս՝ մինչև դեկտեմբեր: Դա էական չէ, որքան ժամանակ է մնացել:
Այս մանդատը ինձանից առաջ եղել է Ֆելիքս Ցոլակյանի մոտ՝ շատ տեղին ծառայեցվել է ժողովրդի համար: Չնայած, որ հանրապետականի ռեյտինգայինով մանդատ է, բայց առաջինն էր, որ ծառայեց ժողովրդին:
Ֆելիքս Ցոլակյանից ինձ անցած մանդատը, անկասկած, կշարունակի ծառայել ժողովրդին»,- ասել է Մարտուն Գրիգորյանը: Գրիգորյանը նշել է նաև, որ դիմում է գրելու և դուրս է գալու ԱԺ Հանրապետական խմբակցությունից:
