ՀՀ արտակարգ իրավիճակների նախարարության Սեյսմիկ պաշտպանության տարածքային ծառայության սեյսմոլոգիական ցանցը հոկտեմբերի 27-ին, տեղական ժամանակով ժամը 21:43-ին (Գրինվիչի ժամանակով` ժամը 17:43-ին) գրանցել է հյուսիսային լայնության 40.100 և արևելյան երկայնության 44.740 աշխարհագրական կոորդինատներով (Հայաստան, Գառնի գյուղից 3 կմ հարավ-արևելք), օջախի 10 կմ խորությամբ, 1.9 մագնիտուդով երկրաշարժ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, ստորգետնյա ցնցման ուժգնությունը էպիկենտրոնում կազմել է 2-3 բալ:
Երկրաշարժը զգացվել է Գառնի գյուղում՝ 2-3 բալ ուժգնությամբ:
