«Հրապարակ» օրաթերթը գրում է.
«ԿԸՀ նախագահ Տիգրան Մուկուչյանը ուզում է դառնալ նաեւ Նիկոլ Փաշինյանի իշխանության սպասարկուն, ինչպես ՀՀԿ-ինն ու Սերժ Սարգսյանինն էր։ Երեկ նա չցանկացավ ասել, թե երբ է խորհրդարանը համարվում կազմավորված՝ երբ ԿԸՀ-ն ամփոփում է արդյունքները եւ որոշո՞ւմ կայացնում, թե՞ երբ բաժանվում են մանդատները։ «Երբ կգա ժամանակը, այդ մասին կիմանաք»,- մեր խաչաձեւ հարցերին ի պատասխան ասաց նա։ Հարցին՝ իսկ մինչ ժամանակը գա, օրենքն ի՞նչ է ասում այդ մասին, կրկնեց նույն պատասխանը։ Մենք գրել ենք, որ «ԱԺ առաջին նիստը դեկտեմբերի 24-ի՞ն, թե՞ հունվարի 7-ին» վեճը շարունակվում է, եւ օրը պետք է հայտարարի ԿԸՀ նախագահը, սակայն Մուկուչյանը չի շտապում դա անել, քանի որ Փաշինյանի թիմում հակված են հունվարի 7-ին անել առաջին նիստը, չնայած անկախ իրավաբանները դեկտեմբերի 24-ն են նշում։
Ավելի մանրամասն՝ թերթի այսօրվա համարում:
