ՀՀ զինված ուժերում եւ Արցախի ՊԲ-ում 2018թ. ընթացքում արձանագրվել է 63  զինծառայողի մահվան դեպք, որոնցից 27-ը՝ ժամկետային զինծառայող, 23-ը՝պայմանագրային զինծառայող, 2-ը՝ ենթասպա եւ 11 սպա: 63 զինծառայողներից 38-ի մահվան դեպքերը կապված են եղել զինվորական ծառայություն անցնելու հետ, 25-ինը՝ տեղի է ունեցել զինվորական ծառայության հետ չկապված հանգամանքներում:

Մասնավորապես՝ Զինվորական ծառայություն անցնելու հետ կապված մահվան դեպքերը՝ ըստ պատճառների՝ 7-ը՝ հակառակորդի կողմից կատարված սպանության հետեւանքով,

11-ը՝ ինքնասպանության կամ ինքնասպանության հասցնելու հետեւանքով,

2-ը՝ զենքի օգտագործման կանոնների խախտման հետեւանքով,

3-ը՝ հիվանդությունից,

1-ը՝ ականի պայթյունից,

1-ը՝ սպանության հետեւանքով,

3-ը դժբախտ պատահարից,

6-ը՝ ծառայության հետ կապված ավտովթարներից,

2-ը՝ մարտական ծառայություն կրելու կանոնների խախտման հետեւանքով,

2-ը՝ թռիչքների կամ դրանց նախապատրաստման կանոնների խախտման հետեւանքով:

Զինվորական ծառայություն անցնելու հետ չկապված 25 մահվան դեպքերը՝ ըստ պատճառների՝

11-ը՝ ծառայության հետ չկապված ավտովթարներից,

10-ը՝ հիվանդությունից,

4-ը՝ դժբախտ պատահարներից:

Համեմատության համար նշենք, որ 2017թ. ընթացքում ՀՀ զինված ուժերում եւ ԱՀ ՊԲ-ում արձանագրվել էր 76 զինծառայողի մահվան դեպք, որոնցից 56-ը՝ զինվորական ծառայություն անցնելու հետ կապված, 20-ը՝ վերջինիս հետ չկապված:

Համեմատական վերլուծությունը վկայում է, որ ԶՈՒ-երում մահվան դեպքերը նախորդ տարվա համեմատ ընդհանուր առմամբ նվազել են 13-ով կամ 17 տոկոսով:

Ընդ որում՝ կտրուկ՝ 18-ով կամ 32 տոկոսով նվազել են զինծառայության հետ անմիջականորեն կապված մահվան դեպքերը: Փոխարենը, ցավալիորեն, 2017թ. համեմատությամբ 5-ով կամ 20 տոկոսով ավելի են զինվորական ծառայության հետ չկապված մահվան դեպքերը: 2017թ. ընթացքում ՀՀ զինված ուժերում եւ ԱՀ ՊԲ-ում զինվորական ծառայություն անցնելու հետ կապված մահվան 56 դեպքերն արձանագրվել էին հետեւյալ պատճառներով.

23-ը՝ հակառակորդի կողմից կատարված սպանության հետեւանքով,

10-ը՝ ինքնասպանության կամ ինքնասպանության հասցնելու հետեւանքով,

4-ը՝ զենքի օգտագործման կանոնների խախտման հետեւանքով,

4-ը՝ հիվանդությունից,

4-ը՝ ականի պայթյունից,

3-ը՝ սպանության հետեւանքով,

4-ը՝ դժբախտ պատահարից,

4-ը՝ ծառայության հետ կապված ավտովթարներ:

2017թ. ընթացքում զինվորական ծառայություն անցնելու հետ չկապված 20 մահվան դեպքերը տեղի են ունեցել հետեւյալ պատճառներով.

1-ը՝ սպանության հետեւանքով,

5-ը՝ ծառայության հետ չկապված ավտովթարներից,

12-ը՝ հիվանդությունից,

2-ը՝ դժբախտ պատահարներից:

Հատկանշական է, որ 2017թ. համեմատ 2018թ.-ին ավելի քան երեք անգամ նվազել են հրադադարի ռեժիմի խախմամբ հակառակորդի կողմից արձակված կրակոցներից զոհվելու դեպքերը: