«Փաստինֆո»-ի հաղորդմամբ՝ Երեւանի բնակիչը մեղադրվում է իր իսկ սանիկին դանակահարելու եւ ծանր մարմնական վնաս պատճառելու մեջ։

Նախնական քննության տվյալներով՝ դեպքը տեղի է ունեցել 2019թ․ մարտի 24-ին. տղամարդն իրեն պատկանող ավտոմեքենայով սանիկի՝ Լ.Եղիազարյանի հետ ուղեւորվել է՝ Հրազդանի կիրճով Հալաբյան փողոցի ուղղությամբ, որի ընթացքում վիճաբանությունը առաջացել պարտքը չմարելու հարցի շուրջ։ Սանիկը պարզվում է քավորի երաշխավորությամբ այլ անձից վերցրել է 20,000 ԱՄՆ դոլար պարտք, որը ժամանակին չի մարել։ Ձգձգելու հարցի շուրջ վիճաբանության ընթացքում՝ քավորը ավտոմեքենայից վերցրել է դանակը եւ հարվածներ հասցրել սանիկի մարմնի տարբեր մասերին։

Քավորին մեղադրանք է առաջադրվել ծանր մարմնական վնաս պատճառելու համար՝ ՀՀ քրեական օրենսգրքի 112-րդ հոդվածի 1-ին մասով։ Նրա նկատմամբ որպես խափանման միջոց է ընտրվել ստորագրություն չհեռանալու մասին։