ԲՀԿ նախագահ Գագիկ Ծառուկյանն ընդունել է Իրան-Հայաստան բարեկամության միության Թավրիզի գրասենյակի տնօրեն Ալի Ռեզա Նազիֆին: Քննարկվել են հարևան երկու պետությունների հարաբերությունների խորացմանն ուղղված հարցեր: Գագիկ Ծառուկյանը նշել է, որ իրանցի և հայ ժողովուրդների եղբայրությունն ապացուցված է ժամանակով և ընդգծել, որ հարաբերությունները զարգացնելու համար անհրաժեշտ են ոչ թե խոսքեր, այլ գործեր: Ալի Ռեզա Նազիֆը ԲՀԿ նախագահին հրավիրել է այցելել ԱՐԱՍ ազատ առևտրի գոտի: