WCIT* 2019-ի ոսկե հովանավոր Taiwan Excellence-ը մասնակցել է աշխարհի ամենամեծ և ամենահեղինակավոր ՏՀՏ միջոցառումներից մեկին՝ ներկայացնելու Թայբեյի հեղափոխական նորարարությունն ու տեխնոլոգիան: Թայբեյի ամենամեծ ներկայացվածությունը համաժողովին ապահովել են Taiwan Excellence և Smart Taiwan տաղավարները, որոնց միացել էին Թայբեյի արտաքին առևտրի զարգացման խորհուրդը (TAITRA) և Թայբեյի տեղեկատվական տեխնոլոգիաների ոլորտի միությունը (CISA)-ը:
Պաշտոնական միջոցառումը տեղի ունեցավ հոկտեմբերի 7-ին Smart Taiwan տաղավարում (Կարեն Դեմիրճյանի անվան մարզահամերգային համալիր, Ծիծեռնակաբերդի զբոսայգի, շենք 1): Միջոցառմանը ներկա էին Թայբեյի արտաքին առևտրի զարգացման խորհրդի (TAITRA) նախագահ Ջեյմս Հուանգը, WITSA-ի փոխնախագահ Բորիս Կոմրակովը և Թայբեյի պատվիրակությունները:
TAITRA-ի նախագահ Ջեյմս Հուանգը բացման խոսքում ողջունեց բոլոր հյուրերին. «Մեզ համար մեծ պատիվ է Հայաստանի մայրաքաղաք Երևանում մասնակցել WCIT 2019-ին: TAITRA-ն շատ հպարտ է, որ հանդիսանում է թայվանական թիմի գործընկերը: Մենք սերտորեն համագործակցում ենք մեր գործարար համայնքների և արդյունաբերության ոլորտի ներկայացուցիչների հետ՝ ամեն տարի Թայբեյում կազմակերպելով 40 խոշոր միջազգային ցուցահանդեսներ: Մեր համագործակցությունը եզակի առավելություն է տալիս ներկայացնելու մեր լավագույն արտադրանքն ամբողջ աշխարհում: Մեր տաղավարներում այցելուները կտեսնեն լավագույն գյուղատնտեսական տեխնոլոգիաները, խելացի լուծումներն ու կփորձարկեն նորագույն տեխնոլոգիաները, որոնք նախատեսված են ավելի լավ և երջանիկ կյանքի համար»:
WCIT 2019-ի երեք օրերի ընթացքում Taiwan Excellence-ի տաղավարում կազմակերպվել են խաղարկություններ, որոնց մասնակցել են ավելի քան 300 այցելուներ: Խաղարկությունների արդյունքում մոտ 150 մասնակիցներ ստացել են Taiwan Excellence-ի բրենդավորված նվերներ: 300 այցելուներից ավելի քան 110-ը լրացրել են նաև հարցաշարեր: Արդյունքում պարզվել է, որ ամենից շատ հետաքրքրություն են առաջացրել CyberLink-ի AI դեմքի ճանաչման հարթակն ու AVER-ի կոնֆերանսների համակարգը:
Թայբեյը հայտնի է տեղեկատվական և հաղորդակցական արդյունաբերության ոլորտում որպես հիմնական դերակատար: WCIT 2019-ի շրջանակում հարյուրավոր այցելուների ուշադրության կենտրոնում էր ներկայացված նորարար ու մրցանակակիր արտադրանքը: Այս անգամ Taiwan Excellence և Smart Taiwan տաղավարներում ներկայացվել էր 20 հանրահայտ ապրանքանիշ: Դրանց թվում էր՝ CyberLink-ի խաչաձև հարթակի տեխնոլոգիայով աշխատող աշխարհում առաջատար AI դեմքի ճանաչման հարթակը, որը MegaFace մարտահրավերի և NIST-ի դեմքի ճանաչման վենդորային թեստի ժամանակ դասվել է ամենաարագ և ամենաճշգրիտ ալգորիթմների շարքում: Մեկ այլ արտադրանք էր AVER-ի կոնֆերանսների համակարգը, որն ապահովում է անհավանական գլոբալ կապ և հաղորդակցման փորձառություն բոլոր հանդիպումների սենյակների համար: Ներկայացված էին նաև BriteMED-ի ստեղծած աշխարհի ամենափոքր էլեկտրասրտագրությունը, գյուղատնտեսության համար նախատեսված GEOSAT-ի անօդաչու թռչող սարքը և շատ այլ հրաշալիքներ:
Ներկայացված ինտեգրված նորարարական տեխնոլոգիական ապրանքները նախատեսված են ավելի հարմարավետ դարձնելու սպառողների կյանքը և արժանացել են Taiwan Excellence հեղինակավոր մրցանակին, որը Թայբեյի Արտաքին առևտրի բյուրոյի (BOFT) և տնտեսական հարցերի նախարարության (MOEA) նախաձեռնությունն է: Ամենամյա Taiwan Excellence մրցանակաբաշխությունն ընտրում է հետազոտության և զարգացման, դիզայնի, որակի և մարքեթինգի ոլորտներում ամենանորարար արտադրանքը:
###
*Տեղեկատվական տեխնոլոգիաների համաշխարհային կոնգրեսը (WCIT) աշխարհի խոշորագույն և ամենահեղինակավոր ՏՀՏ իրադարձություններից մեկն է: Կոնգրեսի ընթացքում կազմակերպվում են քննարկումներ թվային դարաշրջանի էվոլյուցիայի վերաբերյալ: 40 տարի շարունակ ՏՀՏ ոլորտի ղեկավարները, գործադիր տնօրենները և ներդրողները, քաղաքականություն մշակողները և պետական պաշտոնյաները, գիտնականներն ու տեխնոլոգները հանդիպում են այս ամենամյա միջոցառմանը՝ քննարկելու ոլորտի ներկան ու ապագան: WCIT 2019-ը անցկացվեց հոկտեմբերի 6-9-ը Երևանում՝ ներառելով սեսիաներ տարբեր թեմաների վերաբերյալ՝ սկսած արհեստական բանականությունից, վիրտուալ իրականությունից, խելացի քաղաքներից մինչև կիբերանվտանգություն, կլիմայի փոփոխություն և այլն:
Taiwan Excellence
Taiwan Excellence-ը ներկայացնում է Թայբեյի ամենանորարար արտադրանքը, որը սպառողների համար մեծ արժեք է ներկայացնում: Այս խորհրդանիշը կրող բոլոր արտադրատեսակները Taiwan Excellence մրցանակաբաշխության մրցանակակիրներ են, որոնք արտադրվում են Թայբեյում և ընտրվում են հետազոտության և զարգացման, դիզայնի, որակի և մարքեթինգի չափանիշների հիման վրա: 1992-ին Արտաքին առևտրի բյուրոյի (BOFT) նախաձեռնությամբ մեկնարկած Taiwan Excellence-ը ճանաչում է ստացել աշխարհի ավելի քան 100 երկրում:
Թայբեյի Արտաքին առևտրի բյուրո (BOFT)
Թայբեյի տնտեսական հարցերի նախարարության ներքո գործող Արտաքին առևտրի բյուրոն (BOFT) պատասխանատու է արտաքին առևտրի և տնտեսական համագործակցությունը կարգավորող քաղաքականության և կանոնակարգերի իրականացման համար: Արտաքին առևտրի բյուրոյի (BOFT) դերը կանոնավոր ճշգրտվել է անընդհատ փոփոխվող միջազգային տնտեսական և առևտրային միջավայրի պահանջները բավարարելու համար: Թայբեյի արտաքին առևտրի զարգացման խորհուրդը (TAITRA) ուղղորդում և համագործակցում է Արտաքին առևտրի բյուրոյի (BOFT) հետ ինչպես միջազգային, այնպես էլ տեղական բազմաթիվ գովազդային առևտրային ծրագրեր և այլ գործողություններ իրականացնելիս:
Թայբեյի արտաքին առևտրի զարգացման խորհուրդ (TAITRA)
Թայբեյի արտաքին առևտրի զարգացման խորհուրդը (TAITRA) հիմնադրվել է 1970-ին՝ խթանելու արտաքին առևտուրը: Այն Թայբեյում ամենախոշոր կիսակառավարական, շահույթ չհետապնդող առևտրի խթանման կազմակերպությունն է: Թայբեյի արտաքին առևտրի զարգացման խորհուրդը (TAITRA) հովանավորում են կառավարությունը, արդյունաբերական ասոցիացիաները և մի շարք առևտրային կազմակերպություններ, իսկ խորհուրդն աջակցում է թայվանական ձեռնարկություններին և արտադրողներին՝ ամրապնդելով նրանց միջազգային մրցունակությունը և հաղթահարելով նրանց առջև ծառացած մարտահրավերները արտաքին շուկաներում: Թայբեյի արտաքին առևտրի զարգացման խորհուրդն (TAITRA) ունի լավ համակարգված ավելի քան 1200 միջազգային մարքեթինգի մասնագետների առևտրի խթանման և տեղեկատվական ցանց, որոնք աշխատում են նրա Թայբեյի գլխամասային գրասենյակում և աշխարհի 68 գրասենյակներում: Քույր կազմակերպությունների՝ Թայբեյի առևտրի կենտրոնի (TTC) և Թայբեյի համաշխարհային առևտրի կենտրոնի (TWTC) հետ Թայբեյի արտաքին առևտրի զարգացման խորհուրդը (TAITRA) խթանման արդյունավետ ռազմավարությունների միջոցով ստեղծել է առևտրի լայն հնարավորություններ:
