ՀՀ վարչապետ Նիկոլ Փաշինյանն այցելել է «Վանաձոր Արմենիա» առողջարանային համալիր: Սեփականատեր Սարգիս Ամիրյանը վարչապետին ներկայացրեց առողջարանային համալիրի ներդրումային ծրագիրը: Տասը տարում նախատեսվում է ներդնել 5 միլիոն դոլար և վերակառուցել համալիրի բոլոր ինը մասնաշենքերը: Սարգիս Ամիրյանը նշեց, որ այս պահին բուժական մասնաշենքը գործում է: Ժամանակին համամիութենական նշանակության առողջարանը միակն է Հայաստանում, որ ունի տորֆաբուժության ծառայություն:
Առողջարանի վերանորոգման ու վերազինման առաջին փուլն ավարտված է։ Ներկայում կապիտալ վերանորոգվել է ավելի քան 30 սենյակ ու բուժական մասը։ Վերանորոգումից հետո, բացի բուժական կաբինետներից, առողջարանն առաջարկում է նոր ստանդարտ, դելյուքս և լյուքս դասի ժամանակակից հյուրանոցային համարներ։ Հիմնանորոգումից հետո առողջարանի դռները բաց են լինելու տարվա բոլոր եղանակներին:
Վարչապետ Նիկոլ Փաշինյանը տիկնոջ՝ Աննա Հակոբյանի հետ հոկտեմբերի 26-ին այցելել է Վանաձոր՝ մասնակցելու քաղաքի օրվան նվիրված տոնական միջոցառումներին և ծանոթանալու քաղաքի զարգացման ծրագրերին:
