Երևանի ընդհանուր իրավասության դատարանում քննարկվում է ՍԴ նախագահ Հրայր Թովմասյանի սանիկ Նորայր Փանոսյանի նկատմամբ որպես խափանման միջոց կալանավորումն ընտրելու մասին քննիչի միջնորդությունը։

Նշենք, որ միջնորդության քննարկումը սկսվել էր դեռ 2019 թ․ դեկտեմբերին, սակայն դատարանը նիստը հետաձգել էր։

Հիշեցնենք, որ Նորայր Փանոսյանին առաջադրված մեղադրանքը լրացվել էր՝ նրան մեղադրանք է առաջադրվել ՀՀՔՕ-ի 308-րդ հոդվածի 2-րդ մասով, այն է՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ և կրկին կալանավորելու միջնորդություն ներկայացվել։