Ֆրանսիայի ազգային ասամբլեայի (խորհրդարանի ստորին պալատ) եւս մեկ պատգամավոր է վարակվել նոր տեսակի կորոնավիրուսով, հայտնում է ՌԻԱ Նովոստին՝ հղում կատարելով BFMTV հեռուստաալիքին։

Ավելի վաղ հայտնել էին, որ բժիշկները հաստատել են «Հանրապետականներ» կուսակցությունը Էլզաս շրջանից ներկայացնող պատգամավորի վարակման փաստը կորոնավիրուսով։ Խորհրդարանականը գտնվում է Մյուլուզ քաղաքի հիվանդանոցներից մեկում։ Միաժամանակ, կորոնավիրուսի առկայությունը հաստատվել է խորհրդարանական ճաշարանի աշխատակցի մոտ, որը տնային կարանտինի մեջ է։

Հեռուստաալիքի տվյալներով՝ նոր վարակվածը նույնպես հոսպիտալացվել է։ Նրա անձի եւ առողջական վիճակի մասին մանրամասներ դեռեւս չի հողորդվել։

Այժմ անցկացվում է պատգամավորների շրջանում կորոնավիրուսով վարակման եւս հինգ դեպքի ստուգում։