ՀՀ առողջապահության նախարար Արսեն Թորոսյանը «Ֆեյսբուք»-ի էջի իր գրառմամբ կրոնական կազմակերպություններին կոչ է արել զերծ մնալ զանգվածային ծեսերից՝ չեղարկելով դրանք մինչև նոր կորոնավիրուսի համաճարակի վտանգի իսպառ վերացումը։

Արսեն Թորոսյանը գրել է. «Անկեղծ ասած տեղյակ չեմ, թե մեր երկրում գործող կրոնական կազմակերպությունները ինչ որոշումներ ունեն իրենց ծիսակատարությունները շարունակելու կամ դադարեցնելու վերաբերյալ, սակայն ուզում եմ հիշեցնել, որ առնվազն Հարավային Կորեայում և մեր հարևան Իրանում նոր կորոնավիրուսային վարակը իր պայթյունաձև տարածումն է ստացել հենց կրոնական արարողությունների պատճառով։

Մարդկանց առողջությունը վեր է ամեն ինչից»։