Մոսկվայում երկու մարդ է մահացել, որոնց մոտ ավելի վաղ ախտորոշվել էր կորոնավիրուս։ Այս մասին հայտնում է «ՌԻԱ Նովոստի»-ն։
Հիվանդները 88 և 73 տարեկան էին: Նրանց մոտ հաստատել էին թոքաբորբ և ուղեկից այլ հիվանդություններ։ Հիվանդությունների կանխարգելման շտաբից զգուշացնում են՝ առանց բացառության հետևել բոլոր կանխարգելիչ միջոցառումների խստագույն պահպանմանը։
Ռուսաստանում կորոնավիրուսով վարակվածների թիվը հասել է 658-ի, 29-ն առողջացել են, 122 000 մարդ մնում է հսկողության տակ: Հայտնի է, որ ամբողջ աշխարհում կորոնավիրուսով վարակվածների թիվը գերազանցել է 422 000-ը, ավելի քան 18900 մարդ մահացել է, ապաքինվել՝ ավելի քան 109 000-ը:
