Վերջին շաբաթների ընթացքում բելառուսական զորքերը հայտնաբերել են ցուցարարների կողմից նախապես պատրաստված պահոցներ, որտեղ գտնվել են մահակներ և սվիններ, ասել է երկրի պաշտպանության նախարարության աշխատակից Լեոնիդ Կասինսկին:
«Երկրում անվտանգության ապահովմանն ուղղված առաջադրանքներ իրականացնելիս, այս վերջին շաբաթների ընթացքում, մեր զինծառայողները գտել են բազմաթիվ տարբեր գաղտնի վայրեր, որտեղ հայտնաբերվել են մահակներ ու սվիններ: Տների տանիքներում հայտնաբերվել են քարերի տոպրակներ, անվադողեր, դյուրավառ հեղուկներ: Ավելի ուշ ցուցարարները պարզաբանել են, որ ամեն ինչ եղել է խաղաղ ակցիաների ու ցույցերի համար», - ասել է Կասինսկին ONT հեռուստաալիքի եթերում: Հիշեցնենք, որ Բելառուսում զանգվածային ցույցերը սկսվել են օգոստոսի 9-ին, երբ հայտարարվեց, որ նախագահական ընտրություններում ձայների մեծամասնությամբ հաղթել է երկրի գործող նախագահ Ալեքսանդր Լուկաշենկոն։