«Այս պահի դրությամբ արցախա-ադրբեջանական սահմանի ողջ երկայնքով շարունակվում են մարտական գործողությունները: Կիզակետուում նորից շարունակվում են մնալ հարավային և հյուսիսային ուղղությունները: Մասնավորապես րոպեներ առաջ Արցախի ՊՆ-ն հրապարակեց տեսանյութերով հիմնավորված տեղեկություն, որ հարավային ուղղությամբ բավականին լայնածավալ հարձակողական գործողությունները ադրբեջանական ԶՈՒ հետ են մղվել: Այդ ուղղությամբ այս պահին համեմատաբար հանգիստ է՝ ընթանում են թեթև մարտեր: Իսկ այլ ուղղություններով մարտերը շարունակվում են: Օրվա ընթացքում հրետանու կիրառությունը բավականին մեծ էր, հրետանակոծվել են հյուսիսային հատվածի հայկական բնակավայրերը, մանավորապես՝ Մարտակերտը: Կրակի տակ են ընկել նաև լրատվամիջոցների ներկայացուցիչները: Այլ վիրավորներ են տեղափոխվել ՀՀ հիվանդանոցներ և հոսպիտալներ: Վիրավորների մեծ մասը ունի թեթև վնասվածքներ»,- այս մասին ասուլիսին ասաց ՊՆ ներկայացուցիչ Արծրուն Հովհաննիսյանը:
