Ռուսաստանի նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։ Կողմերը հանդես են եկել Ղարաբաղի շուրջ քաղաքական գործընթացն ակտիվացնելու օգտին, հաղորդում է Կրեմլի մամուլի ծառայությունը: Նշվում է, որ զրույցը տեղի է ունեցել թուրքական կողմի նախաձեռնությամբ: «Լեռնային Ղարաբաղի հակամարտության գոտում իրավիճակը մանրամասն քննարկվել է: Երկուստեք վերահաստատվել է հումանիտար զինադադարի պահպանման կարևորությունը, որի շուրջ համաձայնությունը ձեռք է բերվել հոկտեմբերի 10-ին: Վլադիմիր Պուտինը և Ռեջեփ Թայիփ Էրդողանը կողմ են արտահայտվել քաղաքական գործընթացի ակտիվացմանը՝ մասնավորապես ելնելով ԵԱՀԿ Մինսկի խմբի զարգացումներից», - ասվում է հաղորդագրության մեջ: Պուտինը լուրջ մտահոգություն է հայտնել Մերձավոր Արևելքի տարածաշրջանից զինյալների մասնակցության կապակցությամբ Ղարաբաղում ռազմական գործողությունների վերաբերյալ: Նրանք նաև շեշտել են հնարավորինս շուտ դադարեցնելու Ղարաբաղում արյունահեղությունը և անցնելու խնդրի խաղաղ կարգավորմանը, ասվում է հաղորդագրության մեջ:
