Կրեմլը հրապարակել է Ռուսաստանի, Ադրբեջանի նախագահներ Վլադիմիր Պուտինի և Իլհամ Ալիևի և ՀՀ վարչապետ Նիկոլ Փաշինյանի համատեղ հայտարարության տեքստը Լեռնային Ղարաբաղում տիրող իրավիճակի վերաբերյալ: Ինչպես երեքշաբթի պարզաբանել է Կրեմլի մամուլի ծառայությունը, ռուսերեն լեզվով փաստաթուղթը հասանելի է ՌԴ նախագահի պաշտոնական կայքում: Ինչպես հայտնի է, համատեղ հայտարարությունը նախատեսում է տեղակայել միայն ռուս խաղաղապահների՝ հինգ տարի ժամկետով՝ անհրաժեշտության դեպքում կանոնավոր հնգամյա ժամկետով ավտոմատ կերպով երկարաձգելով: «Լեռնային Ղարաբաղի շփման գծի երկայնքով և Լաչինի միջանցքով Ռուսաստանի Դաշնության խաղաղապահ զորակազմը կտեղակայվի 1,960 զինծառայողների քանակով՝ փոքր տրամաչափի զենքով, 90 զրահափոխադրիչով, 380 միավոր ավտոմեքենայով և հատուկ տեխնիկայով», - ասվում է առաջնորդների հայտարարության մեջ:
