Երբ իրերով լի մեքենաների կայուն հոսքը վեց շաբաթվա դաժան մարտերից հետո երկար հերթերում սպասում էր Լեռնային Ղարաբաղից դուրս գալուն, դժվարությամբ ընթացող բեռնատարը մնաց հետևում: Այն մի ամբողջ խանութ էր հիշեցնում, որտեղ երևում էին դուրս ցցված իրեր, որոնք չգիտեին, թե ի վերջո որտեղ է հայտնվելու, գրում է Foreign Policy News պարբերականը՝ անդրադարձ կատարելով ղարաբաղյան հետպատերազմյան իրադարձություններին: Մարդիկ, ովքեր ունակ չէին տեղափոխելու իրենց անասունները, պարզապես սպանում էին նրանց՝ գլխատելով հավերին և ձիերին։ Տաք գոլորշին բարձրանում էր սառը օդի միջով: Մյուսները իրենց նախիրների հետ կիլոմետրերով քայլում էին լեռնային նեղ ճանապարհներով՝ հույս ունենալով, որ չեն սպանվի ուժասպառությունից կամ առաջիկա ավտոմեքենայի վթարից: Սա արտագաղթի ողբերգական դեմքն է՝ մարդկանց լայնածավալ միգրացիան մի երկրից, որը բառացիորեն մեկ օրվա ընթացքում փոխել է տերերին: ՀՀ վարչապետ Նիկոլ Փաշինյանը օրեր անց հայտարարեց այս փոքրիկ, լեռնային անկլավի համար Ադրբեջանի հետ պատերազմը դադարեցնելու մասին։ Հազարավոր էթնիկ հայեր ստիպված են լքել իրենց հողերը, որոնք տրվել են Ադրբեջանին: Անգամ նախքան Փաշինյանի՝ Ֆեյսբուքում պատերազմի ավարտի մասին հայտարարությունը, որը վերջ պիտի վեց շաբաթվա դառը մարտերին, հայերն արդեն իսկ ունեին կորուստների համատարած զգացում: Երեք կողմից մահմեդական հարևաններով շրջապատված քրիստոնեական երկրի և ավելի քան մեկ դար առաջ ցեղասպանություն հաղթահարելու համար պայքարող ժողովրդի համար ազգային հոգեկերտվածքում գերակշռում են էքզիստենցիալ վախերը: Ամենուր մարդիկ զայրացած են այն բանի համար, որ Թուրքիան, որը սատարում էր Ադրբեջանին այս հակամարտությունում և երբևէ պաշտոնապես չի ճանաչել 1915 թվականի՝ մոտ 1,5 միլիոն հայերի սպանդը, փորձում է ջնջել իրենց: Հիմա, երբ հայերը դուրս են գալիս Լեռնային Ղարաբաղից, նրանք քիչ բան են տանում իրենց հետ: Գյուղացիներից ոմանք, զգալով, որ այլևս կորցնելու բան չունեն, հրկիզում են իրենց տները՝ մխիթարություն գտնելով նրանում, որ իրենց թշնամիները երբեք չեն կարող այնտեղ քնել: «Ինչպե՞ս կարող եմ թողնել, որ մահմեդականն այնտեղ ապրի»,֊ ասաց է 34-ամյա Արսեն Մնացականյանը, ում ձեռքերը մրից սևացած և արյունոտված էին: «Այստեղ գյուղացիներն ապրում են իրենց հողի, կենդանիների հետ։ Դա կորցնելը նրանց համար ամեն ինչ է։ Մենք առաջին քրիստոնյա ժողովուրդն ենք, բայց մեզ միշտ խոշտանգել են։ Բայց ես վստահորեն ասում եմ ձեզ, որ քրիստոնյաները կվերադառնան այստեղ»,֊հավելեց երիտասարդը, գրում է պարբերականը: Հոդվածի հեղինակը նշում է, որ բազմաթիվ՝ իրենց տունը ստիպողաբար լքած բնակիչներ զայրացած են ՀՀ վարչապետի վրա, որ նա ստորագրել է հրադադարի փաստաթուղթը։ Հայաստանում նույնպես բողոքի ցույցեր են ընթանում, որտեղ պահանջում են նրա հրաժարականը։ Հոդվածագիր հեղինակի զրուցակիցներից մեկն անգամ ասել է, որ Նիկոլ Փաշինյանը եթե հրաժարական չտա, ուրեմն պետք է ինքնասպան լինի կատարվածից հետո․ «Նա պետք է հրաժարական տա կամ ինքնասպան լինի»,֊նշել է հեղինակի հայազգի զրուցակիցը։
«Նիկոլ Փաշինյանը պետք է հրաժարական տա կամ ինքնասպան լինի»․ Foreign Policy News֊ի անդրադարձը (լուսանկարներ)
17:35 - 24.Նոյեմբեր.2020
Առաջարկում ենք նաև
01/02/24 14:48
Սիրտս վկայում է՝ ընտրություններից առաջ Նիկոլը կալանավորելու է իր եղբորը՝ Արտակ Փաշինյանին․ Զոհրաբյան
04/05/18 14:49
«Ժողովուրդ». Նիկոլ Փաշինյանը պետք է լինի ՀՀ վարչապետ. դրանում որևէ կասկած չի կարող լինել. Սեյրան Օհանյան
22/01/24 15:54
Փաշինյանի՝ արևմուտքի հովանու ներքո խաղաղության փնտրտուքները Հայաստանը կանգնեցրել են նոր պատերազմի սպառնալիքի առջև
09/07/22 18:12
Շրի Լանկայի նախագահը պետք է հրաժարական տա․ խորհրդարանը որոշում է ընդունել (լուսանկարներ)
20/06/22 22:16
Նիկոլ Փաշինյանը սպառնալիք է ազգային անվտանգությանը, իսկ սպառնալիքները պետք է հեռացվեն. Արամ Վարդևանյան
28/03/21 12:53
Նիկոլ Փաշինյանը մարզային այցով Արմավիրում է (լուսանկարներ)
Ամենադիտված
Լրահոս
11:50
Եկել է քննադատված ու զրպարտված նախկիններ-ի կառավարման տարիներին երանի տալու ժամանակը․ Արտակ Զաքարյան
09:57
«Կենսուրախ էր, խղճով, խելացի ու հայրենասեր». Արեն Մալաքյանն անմահացել է 2022 թ. սեպտեմբերի 13-ին Սոթքի զորամասի պայթյունի ժամանակ. «Փաստ»
09:43
Պատվավոր հյուպատոսների տրանսպորտային միջոցներին հատկացվելու են «H» տառը պարունակող կարմիր հիմնագույնի համարանիշեր. «Փաստ»
09:04
«Հրապարակ». Որքան են վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար
16:20
Երկարաձգվել է արտադպրոցական հաստատությունների մանկավարժական աշխատողների կամավոր ատեստավորման հայտերի ընդունման ժամկետը
13:42
Կարճաժամկետ գործոնով պայմանավորված՝ 2024թ. փետրվարի տնտեսական ակտիվության աճը կտրուկ արագացել է. «ԼՈՒՅՍ» հիմնադրամ
13:40
Ոստիկանության Նոր Նորքի բաժնում ահաբեկչության վերաբերյալ վարույթով ձերբակալված երեք անձանցից երկուսը կալանավորվել են
09:43
«Ժողովուրդ». Ներքին խմբում գրված հայհոյանքներին «լայք» դնելու համար դատավորը հեռացավ համակարգից
09:30
«Ժողովուրդ». Ես ավելի լավ ֆուտբոլ եմ խաղում, քան մեր հավաքականը. Նիկոլ Փաշինյանը խաբել է. մաս 189
08:58
«Ժողովուրդ». Վարդան Օսկանյանը արցախցիների հետվերադարձի վերաբերյալ բանակցություններ է վարում Եվրոպայում և ԱՄՆ-ում
07:55
«Ժողովուրդ». «Ճանապարհային դեպարտամենտ»-ի 2 հարկի վերանորոգման համար ծախսվել է 55 մլն դրամ, իսկ ճանապարհների վրա՝ 0