«60 կմ երկարություն ունի Տեղ համայնքի սահմանը և այս պահին էլ բոլոր դիրքերին հերթականությամբ մոտենում են հակառակորդի զինվորները՝ պահանջելով ետ քաշվել»,- այս մասին ԼՈՒՐԵՐ.com -ի հետ զրույցում նշեց Տեղ համայնքի ղեկավարի մամուլի խոսնակ Արևիկ Աբելյանը՝ անդրառնալով համացանցում երեկվանից տեղ գտած տեղեկությանը՝ հակառակորդի զինվորները փորձել են արել ընդլայնել սահմանը՝ ներխուժելով հայկական տարածք։

Արևիկ Աբելյանը նշեց, որ Տեղ համայնքում հայ-ադրբեջանական սահմանին միջադեպ է գրանցվել ցերեկը. «Հակառակորդի մի քանի զինվորներ մոտեցել են հայկական դիրքերին և պահանջել մեր տղաներից, որպեսզի ետ գնան՝ տալով մեր դիրքերը նրանց: Սակայն մեր տղաները անմիջապես կապ են հաստատել Տեղ համայնքի ղեկավարի հետ, որը հանձնարարել է մեկ քայլ անգամ ետ չգնալ մեր դիրքերից: Մեր տղաները ասել են, որ իրենք իրենց ճիշտ տեղում կանգնած են, և իրենց առաջարկել են փոքր-ինչ այն կողմ դնել իրենց նոր դիրքերը»,- ընդգծեց խոսնակը:

Վերջինս նշեց, որ հակառակորդի զինվորների հետ հենց ադրբեջաներեն բանակցել է Արավուսի վարչական ղեկավար Արգամ Հովսեփյանը, որը հենց ջոկատի հրամանատարն է. «Ազերիները առաջարկել են, ըստ նոյեմբերի 9-ի կնքված պայմանագրի, նախատեսված գծով ետ գնալ, որ իրենց ջոկատներն էլ կանգնեն։ Զրույցը ընթացել է առանց կոնֆլիկտային միջադեպերի, նրանք գնացել են այն պայմանով, որ նորից կքննարկվի խնդիրը և կհանդիպեն»,- եզրափակեց Արևիկ Աբելյանը:

Զվարթ Պետրոսյան