Հ ազգային ժողովի «Իմ քայլը» խմբակցության ղեկավար Լիլիթ Մակունցն Ադրբեջանում պահվող հայ գերիների վերադարձի հարցն առաջնային է համարում:

Նա նշեց. «Դա առաջնային հարց է և բոլոր ջանքերը, բոլոր հնարավոր հարթակներով պետք է գործադրվեն հումանիտար հարցը լուծելու համար»:

Հունվարի 11-ին Մոսկվայում ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Ռուսաստանի նախագահ Վլադիմիր Պուտինի հանդիպման ընթացքում գերիների հարցը քննարկվել է, սակայն Փաշինյանը հանդիպումից հետո նշել է, որ այն լուծել չի հաջողվել: