Ադրբեջանի և Հայաստանի քաղաքացիական հասարակության ներկայացուցիչները Մոսկվայում անցկացրել են Լեռնային Ղարաբաղի ռազմական հակամարտության ավարտից հետո առաջին հանդիպումը, որտեղ քննարկվել են երկու երկրների ժողովուրդների միջև լարվածությունը մեղմելու միջոցները։ Այս մասին ուրբաթ ՏԱՍՍ-ին հայտնել է բանակցություններին մոտ կանգնած աղբյուրը։

«Դեկտեմբերի 23-ին և 24-ին Մոսկվայում տեղի ունեցավ 2020 թվականի նոյեմբերին Ադրբեջանի և Հայաստանի միջև ռազմական հակամարտության ավարտից հետո ադրբեջանական և հայ հասարակայնության ներկայացուցիչների առաջին հանդիպումը՝ Ռուսաստանի Դաշնության Նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյի մասնակցությամբ: Հանդիպման մասնակիցները քննարկել են երկու ժողովուրդների հարաբերություններում լարվածությունը թուլացնելու միջոցները, պայմանավորվել են շարունակել նման շփումները 2022 թվականի սկզբին»,-ասել է աղբյուրը: