Էկոնոմիկայի նախարար Վահան Քերոբյանը շարունակում է կատարել իր պարտականությունները: Այս մասին Ֆեյսբուքի իր էջում գրել է նախարարի մամուլի քարտուղար Գայանե Անտոնյանն' անդրադառնալով լուրերին, թե Քերոբյանը մտադիր է հրաժարական տալ։

«Մամուլում առավոտից ակտիվ շրջանառվում է տեղեկատվություն, որ նախարար Վահան Քերոբյանը մտադիր է հրաժարական տալ։

Ի պատասխան ձեր կողմից տրվող բազմաթիվ հարցերի՝ նշեմ, որ նման վերնագրով հոդվածները չեն համապատասխանում իրականությանը. նախարար Վահան Քերոբյանը շարունակում է կատարել իր պարտականությունները»,- գրել է Անտոնյանը։