Երեւանի քաղաքապետ Հրաչյա Սարգսյանը իր խորհրդական է նշանակել Գարիկ Բարսեղյանին:
Որոշման մեջ նշվում է.
«Ղեկավարվելով «Հանրային ծառայության մասին» օրենքի 8-րդ հոդվածի 2-րդ մասով, «Երևան քաղաքում տեղական ինքնակառավարման մասին» օրենքի 48-րդ հոդվածի 11-րդ մասով'
1. Գարիկ Բարսեղյանին 2022 թվականի հունվարի 24-ից նշանակել Երևանի քաղաքապետի խորհրդականի պաշտոնում։
2.Աշխատավարձն՝ ըստ հաստիքացուցակի, 629.000/վեց հարյուր քսանինը հազար/ ՀՀ դրամ»:
Նշենք, որ Բարսեղյանը նշանակվել է Դավիթ Ճգնավորյանի փոխարեն: Նա երեկ Facebook-ի իր էջում գրառում էր կատարել' ասելով, որ հունվարի 17-ին աշխատանքից հեռանալու դիմում է ներկայացրել Երևանի քաղաքապետին և 18-ից դադարեցրել իր պարտականությունների կատարումը:
