![](http://mediamall.am/timthumb.php?src=upload/246686.png&w=300&h=200&mt=1643272876)
Արդեն 3 ժամից ավելի է, արտակարգ իրավիճակ է ստեղծվել Կոտայքի մարզում: Ինչպես դեպքի վայրից հայտնում է ֆոտոլրագրող Գագիկ Շամշյանը, Երևան-Սևան ավտոճանապարհի Չարենցավանի վարչական տարածքում մոտ 16 կիլոմետր ճանապարհահատվածն ամբողջովին պատված է մերկասառույցով, ինչի հետևանքով մոտ 30 ավտոմեքենաներ տարբեր հատվածներում վթարի են ենթարկվել:
Կան գլխիվայր շրջված, ճանապարհի երթևեկելի գոտուց դուրս եկած ավտոմեքենաներ:
Օպերատիվորեն ժամանել են ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Սարգիս Բագրատյանի գլխավորությամբ:
Ժամանել է նաև Արտակարգ իրավիճակների նախարարության փրկարար ծառայության Կոտայքի մարզային փրկարարական վարչության հրշեջ-փրկարարական ջոկատից 1 մարտական հաշվարկ:
Այս պահին ՃՈ 2-րդ սպայական գումարտակի 3-րդ վաշտի ավագ հետաքննիչներ Մայիս Բադոյանը, Ավետիք Ավետիսյանն ու Կառլեն Բաղյանը տարբեր հատվածներում պարզում են՝ արդյոք վթարների հետևանքով տուժած քաղաքացիներ կան:
Հետաքննիչները պարզում են վարորդների ինքնությունը:
Դեպքի վայրում հավաքված վարորդները ասում են. «Քանի ժամ է, ճանապարհի մերկասառույցի պատճառով իրար հետևից վթարներ են տեղի ունենում: Ճանապարհը մշակված չէ, աղ ու ավազ լցված չի ու դրա պատասխանատուն ճանշինն է:Մեր ներկայությամբ «գաի» տեսուչները արդեն մի քանի անգամ զանգահարել են ճանշին, խոստացել են, որ կգան, բայց 3 ժամ է, չկան, ասես հօդս ցնդած լինեն:Բա հիմա ով է պատասխան տալու իրենց չարած աշխատանքի հետևանքով էսքան մարդկանց պատճառված վնասի համար»:
![](https://lurer.com/disc/27-01-22/0afaf75407049670992c66b28ed14939.jpg)
![](https://lurer.com/disc/27-01-22/6c75c35f0c94d613fe95c6b466a08f03.jpg)
![](https://lurer.com/disc/27-01-22/d17a9dd9bf54b5c0ae8325eaaa4012f7.jpg)
![](https://lurer.com/disc/27-01-22/99f4d9e326fd4f41c9408802e28243d0.jpg)
![](https://lurer.com/disc/27-01-22/ad1d238cba15d8a6d52ecaf343fad77b.jpg)
![](https://lurer.com/disc/27-01-22/a81f16634d2fa9ea1a3e8b8bae267fe9.jpg)
![](https://lurer.com/disc/27-01-22/a2cb2499b88c75f2bf617e32d78792ee.jpg)
![](https://lurer.com/disc/27-01-22/7e894f9c319329aa22f6efb3ab8c2387.jpg)
![](https://lurer.com/disc/27-01-22/a59dfe847e6b395ce4a1cd4e5f3b48c3.jpg)