ԱՄՆ Լուիզիանա նահանգից ուսուցչուհի Սինտիա Պերկինսը մեղադրվում է մի շարք սեռական հանցագործությունների, ինչպես նաև աշակերտներին ամուսնու սերմնահեղուկով պատրաստված կեքսերով կերակրելու մեջ։ Այս մասին հայտնում է New York Post-ը։

Նշվում է, որ 36-ամյա կինը և նրա ամուսինը' Դենիս Պերկինսը, ով աշխատել է որպես Լիվինգսթոն շրջանի շերիֆի տեղակալ, ձերբակալվել էին դեռևս 2019 թվականին ավելի քան 150 մեղադրանքով, այդ թվում՝ մանկական պոռնոգրաֆիա ստեղծելու և երեխաների նկատմամբ սեռական բռնության մեղադրանքով։

Սինտիան ձերբակալությունից անմիջապես հետո ամուսնալուծության հայց է ներկայացրել և պնդում է, որ Դենիսը մանիպուլյացիայի է ենթարկել իրեն:

Երկուշաբթի օրը՝ փետրվարի 14-ին, նա մեղքն ընդունելու գործարք է կնքել, համաձայն որի' նրա վրայից կհանվի 68 մեղադրանք: Բացի այդ, Պերկինսը ցուցմունք կտա իր նախկին ամուսնու դեմ մայիսին կայանալիք դատավարության ժամանակ։

«Նա ոչ միայն հրաժարվեց բողոքարկելու իր իրավունքից և դատապարտումից խուսափելու փորձերից, այլ նաև խնայեց զոհերին դատավարության ընթացքում իր գործած սարսափելի հանցագործությունները վերապրելուց», - ասվում է Լուիզիանայի գլխավոր դատախազ Ջեֆ Լենդրիի հայտարարության մեջ:

Ըստ իշխանությունների՝ կինը բանտում կանցկացնի 41 տարի։