Սմարթֆոնների սեփականատերերը կարող են օգտագործել իրենց հեռախոսը թաքնված տեսախցիկը գտնելու համար, այդ թվում՝ ինֆրակարմիր (IR), որն անտեսանելի է մարդու աչքի համար։ Այս մասին պատմում է The Verge-ը։

Նշվում է, որ IR տեսախցիկը աշխատում է մարդկանց տեղաշարժի հիման վրա, ինչպես նաև լուսանկարում է թույլ լուսավորված սենյակներում։ Սմարթֆոնի տեսախցիկը կկարողանա «տեսնել» ինֆրակարմիր ճառագայթը։ Սեփականատերերը նախ պետք է ստուգեն, թե արդյոք սմարթֆոնը հայտնաբերում է IR ազդանշաններ հեռուստացույցի հեռակառավարման վահանակի միջոցով:

Լույսի աղբյուրը պետք է տեսանելի լինի, անընդհատ այրվի կամ փայլի: Ըստ լրագրողների՝ ամենից հաճախ այս մեթոդն աշխատում է միայն առջևի տեսախցիկների համար, սակայն որոշ գաջեթների համար, ինչպիսին է Pixel 6-ը, հիմնական տեսախցիկը «տեսնում է» նաև IR ազդանշանները։