Հունիսի 18-ին, ժամը 23։41-ին Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Իջևան քաղաքի «Կասկադ» սրճարանի մոտակայքում տեղի է ունեցել ՃՏՊ․ կան տուժածներ։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ քաղաքի Ս․ Օհանյան փողոցում բախվել են «VAZ-2107» (վարորդ՝ Վ. Վ., ծնված 1988 թ․) և «VAZ-2106» (վարորդ՝ Հ. Օ., ծնված 1995 թ․) մակնիշների ավտոմեքենաները։

Մինչ փրկարարների կանչի վայր հասնելը՝ «VAZ-2107» մակնիշի ավտոմեքենայի վարորդը և ուղևոր՝ Մ․ Մ․-ն (ծնված 1967 թ․) տեղի ուժերով դուրս են բերվել ավտոմեքենայից․ վարորդը հոսպիտալացվել է, իսկ ուղևորը տեղափոխվել Իջևանի ԲԿ, որտեղ բժիշկները տուժածների առողջական վիճակը գնահատել են համապատասխանաբար ծանր և միջին ծանրության։

Փրկարարները հոսանքազրկել են ավտոմեքենաները և փակել գազի բալոնների փականները։