Այսօր՝ դեկտեմբերի 7-ին, Ադրբեջանի նախագահ Իլհամ Ալիևը հրամանագիր է ստորագրել, համաձայն որի՝ արտահերթ նախագահական ընտրությունները նշանակել է 2024 թվականի փետրվարի 7-ին։

Հրամանի տեքստը հրապարակվել է պետության ղեկավարի կայքում։

Ադրբեջանի Կենտրոնական ընտրական հանձնաժողովին հանձնարարվել է ապահովել արտահերթ նախագահական ընտրությունների անցկացումը։

Վերջին անգամ Ադրբեջանում նախագահական ընտրություններն անցկացվել են 2018 թվականի գարնանը։ Օրենքի համաձայն՝ Ադրբեջանի նախագահն ընտրվում է 7 տարի ժամկետով։