Քաղաքագետ Ալեն Ղևոնդյանն իր ֆեյսբուքյան էջում գրել է.
«Հավանաբար դուք չնկատեցիք, թե ինչպես ՌԴ-ն հասավ իր հռչակած առաջին նպատակին՝ աշխարհը դարձավ բազմաբևեռ:
Կարծում եմ ծանր գնով, բայց մյուս նպատակներին իրենք նույնպես կհասնեն՝ մնաց կարողանան դիվանագիտորեն դրանք ամրագրել:
Ի դեպ, աշխարհը այսօր դարձել է այնքան բազմաբևեռ, որ Լոնդոնն ու Վաշինգտոնը ունեն նաև տարբերվող ու մրցակցային շահեր գոնե Մեծ Մերձավոր Արևելքում:
Իսկ Մեծ Մերձավոր Արևելքը աշխարհի՝ ամենից բարդ տարածաշրջանն է, ուր մեկտեղվում են նավթը, էթնիկությունը, զենքը, սրբադասվող նահատակությունը, Սուրբ գրքերը ու Սրբատեղիները, ցանցային պայմանավորվածությունները ու դրանց միաժամանակյա չեղարկումը, հավատքը ու կրոնական մոլեռանդությունը, հետևաբար միայն Աստված է հասկանում, թե այնտեղ ինչ է կատարվում:
Եվ, հետևաբար, ինչու լարվել ու անհանգստանալ, եթե կարելի է չլարվել ու չանհանգստանալ»:
