![](http://mediamall.am/timthumb.php?src=upload/29208.png&w=300&h=200&mt=1505507720)
ԱՄՆ-ի պետքարտուղար Ջոն Քերրին այսօր առաջին պաշտոնական այցով ժամանել է Մոսկվա: Ինչպես ակնկալվում է, նա հանդիպում կունենա ռուս նախագահ Վլադիմիր Պուտինի հետ և բանակցություններ կվարի արտգործնախարար Սերգեյ Լավրովի հետ:
ԱՄՆ-ի արտաքին քաղաքական գերատեսչության ղեկավարի օդանավը վայրէջք է կատարել Վնուկովո օդանավակայանում, ուր նրան դիմավորելու է եկել ՌԴ-ում ԱՄՆ-ի դեսպան Մայքլ Մաքֆոլը:
Ակնկալվում է, որ ամերիկացի դիվանագետը կեսօրին մասնակցություն կունենա Անհայտ զինվորի գերեզմանին ծաղիկ դնելու արարողությանը, որից հետո կկայանա Պուտինի հետ նրա հանդիպումը: Երեկոյան կողմ պլանավորված է Քերրիի հանդիպումը Սերգեյ Լավրովի հետ. տեղեկացնում է РИА Новости-ն: