ԱՄՆ Շարլոտ քաղաքում (Հյուսիսային Կարոլինա նահանգ) անցկացված NASCAR ավտոարշավի հերթական փուլում Fox հեռուստաընկերության տեսախցիկի աշտարակը շրջվել է տրիբունայի վրա, որի հետևանքով 10 մարդ տարբեր կարգի ծանր վնասվածք է ստացել: Նրանցից երեքը տեղափոխվել է հիվանդանոց:

Միջադեպը տեղի է ունեցել աշտարակին ամրություն հաղորդող մալուխի կտրվելու պատճառով: Երկաթյա կառույցը և ծանր տեսախցիկը հասել են մինչև մրցուղի՝ վնասելով նաև մի քանի ավտոմեքենա: 400 շրջանից բաղկացած մրցարշավը 27 րոպեով ընդհատվել է, հաղորդում է Reuters-ը:

Այս տարի սա արդեն երկրորդ միջադեպն է NASCAR-ում: Փետրվարին, Ֆլորիդայում, մրցարշավային մի քանի ավտոմեքենաների բախումից հետո դրանց մետաղե մասերը հասել էին տրիբունաներ՝ վնասելով ավելի քան 30 հանդիսատեսի: