ԱՄՆ-ի հատուկ ծառայությունները գաղտնալսել են G20 անդամ երկրների ղեկավարների խոսակցությունները
Ինչպես գրում է բրիտանական The Guardian պարբերականը, ԱՄՆ-ի հատուկ ծառայությունները 2009-ին գաղտնալսել են Լոնդոնում G20 վեհաժողովի ժամանակ անդամ երկների ղեկավարների խոսակցությունները: Պարբերականը վկայակոչում է Էդուարդ Սնոուդենի հայտնած տեղեկությունը, ով վերջերս մեծ սկանդալի կենտրոնում էր հայտնվել նրանից հետո, երբ բարձրաձայնել էր, որ հատուկ ծառայությունները հետևում են սոցիալական ցանցերի օգտատերերին: Ինչպես գրում է պարբերականը, G20 երկրների անդամ պետությունների ղեկավարների նկատմամբ սահմանված հսկողության մասին հայտնի է եղել Բրիտանիայի նախկին վարչապետ Գորդոն Բրաունին: Թե ինչ հաջողություններ է ունեցել այդ գաղտնալսումը, թերթը չի հայտնում:
