Ինչու Աշոտ Սուքիասյանը օֆշորում չէր նշել Սերժ Սարգսյանի կամ կաթողիկոսի անունը, ինչն իր խոսքով' ավելի ապահով կդարձներ իր բիզնեսը:

Այսպիսի հարցադրում արեց այսօր հրավիրված ասուլիսին "Ժառանգություն" կուսակցության վարչության փոխնախագահ Արմեն Մարտիրոսյանը: Նա նշեց, որ հետախուզման մեջ գտնվող գործարար Աշոտ Սուքիայանի հայտարարությունը իրեն շատ է հետաքրքրել. "Օրինակ' ինչու նա չէր նշել այդ հաշվեհամարներում Պուտինի, Օբամայի, Հռոմի Պապի անունները": Այս մասին գրում է Henaran.am-ը:

Վարչապետ Տիգրան Սարգսյանի հնարավոր պաշտոնանկության մասին Ա. Մարտիրոսյանը նշեց, որ այդ մասին խոսվում է տարիներ շարունակ. "Մշտապես հանում են իրեն, բայց նա վարչապետություն է անում: Եթե նրան հանեն, ես չեմ տեսնում իշխանության մեջ որևէ մեկին, ով կկրի արևմտյան կողմանորոշումներն այնպես, ինչպես դա անում է Տիգրան Սարգսյանը:

Վարչապետը նախագահի համար ձեռնտու անձ է, Սերժ Սարգսյանի ասածները օրինականացնում է, մեծ հավակնություններ չունի, вождь կարդինալի հավակնություններ չունի և ցույց է տվել, որ շատ ձեռնտու է նախագահի համար":

Վերահսկիչ պալատի հաշվետվության վերաբերյալ "Ժառանգության" ներկայացուցիչը նշեց, որ հաշվետվության ներկայացման ժամանակ հենց պատգամավորներն էին հարց ուղղում Իշխան Զաքարյանին, թե վերջինիս դղյակները որտեղից:

"Կառավարման համակարգը ամբողջովին ախտահարված է, բոլորը բոլորի դեմ կոմպրոմատ ունեն: Մեր մոտ ռեսուրսները շատ նվազել են, և ներիշխանական պայքար է սկսվել ռեսուրսների տնօրինանման համար: ԲՀԿ-ին կոալիցիայից դուրս թողնելը ևս դրա հետևանք էր",-համոզված է նախկին պատգամավորը :

Մարտիրոսյանի կարծիքով' այժմ էլ "ներհանրապետական" պայքար է սկսվել ռեսուրսների վերաբաժանման համար: