Ռուսաստանը արտահանձնել է հայրենիքում բռնաբարության փորձ կատարելու մեջ կասկածվող Թուրքիայի քաղաքացուն: ՌԴ ԱԳՆ-ի մամլո կենտրոնը տեղեկացրել է, որ 1976թ. ծնված Աբդուլբակի Ակչայը գտնվում էր միջազգային հետախուզման մեջ: 2010թ. հոկտեմբերին Էրզրում քաղաքում տղամարդը սկզբում ծեծի է ենթարկել, ապա փորձել է բռնաբարել անչափահաս մի աղջկա: Այդպիսի գործողությունները նա պատճառաբանել է նրանով, որ տուժողը մերժել է ամուսնության իր առաջարկությունը: Էրզրումի Բարձրագույն քրեական դատարանի դատավճռով' տղամարդու նկատմամբ խափանման միջոց է ընտրվել կալանքը: Ձեռնարկված միջոցառումների արդյունքում կասկածյալը հայտնաբերվել է Կազան քաղաքում, որտեղ էլ նրան ձերբակալել են: Այդ մասին հաղորդում է «rosbalt.ru»-ն: ՌԴ Գլխավոր դատախազությունը բավարարել է Թուրքիայի տարածքում քրեական պատասխանատվության ենթարկելու նպատակով Աբդուլբակի Ակչային արտահանձնելու թուրքական կողմի միջնորդությունը: