Ինդոնեզիայի Գերագույն դատարանը ուժի մեջ է թողել թմրանյութի մաքսանենգության համար դատապարտված բրիտանուհի, 56-ամյա Լինդսի Սենդիֆորդի մահվան դատավճիռը: Բալի կղզու ոստիկանությունը նրան ձերբակալել էր 2012թ. մայիսի վերջին: Մաքսակետն անցնելու ստուգումների ժամանակ նրա մոտ հայտնաբերվել էր 4,5 կգ կոկաին: Անգլիայի հարավ-արևմուտքում գտնվող Գլոստերշիր կոմսության բնակչուհին պնդում է, որ նրան ուժի զոռով են ստիպել թմրանյութը հասցնել Բալի: Ջակարտայում Բրիտանիայի դեսպանատան ներկայացուցիչ Ադամ Ռատլանդը հայտարարել է, որ դիվանագետները մտադիր են սատար կանգնել դատապարտյալին, եթե նա պնդի իր գործը վերանայելու և դատավճիռը մեղմելու մասին: Այդ գործով դատապարտվել են նաև ևս 4 մարդ՝ 3 բրիտանացի և մեկ հնդիկ: Նրանք ստացել են ազատազրկման տարբեր ժամկետներ: