Մադրիդի «Ռեալի» պաշտպան Սերխիո Ռամոսը մեկնաբանել է Պեպ Գվարդիոլայի խոսքերը, որոնք մարզիչն ասել էր մադրիդցիների դեմ Չեմպիոնների լիգայի կիսաեզրափակիչ առաջին խաղից հետո:
«Բավարիայի» մարզիչը, մասնավորապես, նշել էր, որ «Ռեալը» հակագրոհներով աշխարհի լավագույն ակումբն է' հավելելով, որ այս ակումբի խաղացողներն իսկական ատլետներ են:
«Գվարդիոլայի խոսքերն այն մասին, որ մենք ատլետներ ենք, գովասանք է մեզ համար: Ինքս միշտ նրա մասին դրական եմ խոսել և նրան համարում եմ շատ լավ մասնագետ: Գվարդիոլան ունակ է խաղացողի տրամադրությունն զգալ և իրեն դնում է ֆուտբոլիստի տեղում, քանի որ ինքը նույնպես ֆուտբոլիստ է եղել»,-Ռամոսի խոսքերը մեջբերում է իսպանական մամուլը:
