ՀՀ կրթության եւ գիտության նախարար Արմեն Աշոտյանը կգլխավորի Հայաստանի պատվիրակությունը Ուկրաինայի նորընտիր նախագահ Պյոտր Պորոշենկոյի երդմնակալության արարողությանը:
Ուկրաինայի նորընտիր նախագահ Պյոտր Պորոշենկոյի երդմնակալության արարողությունը տեղի կունենա հունիսի 7-ին: Մեկնարկը կտրվի առավոտյան ժամը 10-ին եւ կհեռարձակվի Ուկրաինայի հանրային հեռուստաընկերությամբ: Երդմնակալությանը իրենց ներկայությունը հաստատել են շուրջ 20 պետությունների ղեկավարներ: Հունիսի 7-ին Ուկրաինայում կլինեն նաեւ Լատվիայի նախագահ Դալյա Գրիբուսկայտեն. Լեհաստանի նախագահ Բրոնիսլավ Կոմորովսկին, նաեւ Գերմանիայի, Շվեյցարիայի, Մոլդովայի ղեկավարները: ԱՄՆ-ից Պորոշենկոյի երդմնակալությանը կմասնակցնի փոխնախագահ Ջո Բայդենը: Բայդենը Ուկրաինայում կքննարկի նաեւ ուկրաինական ճգնաժամն ու ԱՄՆ-ի աջակցությունը հակամարտության կարգավորմանը:
Համաձայն ուկրաինական լրատվամիջոցների, երդմնակալության արարողությանը կհաջորդի երկու տեսակի ընդունելություն' արտասահմանցի հյուրերի եւ Ուկրաինայի էլիտայի համար:
Մայիսի 25-ին կայացած արտահերթ նախագահական ընտրությունների ժամանակ 54.7 տոկոսով շոկոլադե արքա, «Ռոշեն» ընկերության սեփականատեր Պյոտր Պորոշենկոն ընտրվեց Ուկրաինայի նախագահ:
