Երևանի Արաբկիր վարչական շրջանում այսօր՝ ժամը 01:00-ի սահմաններում, անհայտ անձը Գյուլբենկյան փողոցում կրակոցներ է արձակել, որի հետևանքով 30-35 տարեկան մի տղամարդ հրազենային վնասվածքներով տեղափոխվել է «Արմենիա» բժշկական կենտրոն: Այս մասին տեղեկացնում էShamshyan.com–ը:
Հունիսի 23-ին, ժամը 02.15-ին, հիվանդանոցից ոստիկանության Արաբկիրի բաժնում հաղորդում է ստացվել, որ կրծքավանդակի հրազենային վնասվածքով իրենց մոտ է տեղափոխվել 1986 թ. ծնված Արսեն Չ.-ն: Այս մասին Լուրեր.com-ը տեղեկացավ ՀՀ ոստիկանության մամուլի բաժնից:
Պարզվել է, որ նույն օրը, ժամը 01.25-ին, անհայտ անձը Գյուլբենկյան փողոցի թիվ 31 շենքի բակում, դեռևս չպարզված հրազենից, կրակոցներ է արձակել, ինչի հետևանքով Արսեն Չ.-ն ստացել է ձախ ձեռքի բութ մատի և ցուցամատի վնասվածքներ:
Դեպքի վայրի զննությամբ հայտնաբերվել է կրակված 2 պարկուճ և չկրակված 1 փամփուշտ:
Հայտնաբերվածն առգրավվել և ուղարկվել է փորձաքննության:
Փաստի առթիվ ՀՀ քրեական օրենսգրքի 235 հոդվածի 1-ին և 113 հոդվածի հատկանիշներով հարուցվել է քրեական գործ:
Կատարվում է նախաքննություն:
