Սոցիալ դեմոկրատ հնչակյան կուսակցության Հայաստանի վարչության ատենապետ Նարեկ Գալստյանը, ինչպես նաև ՍԴՀԿ Հայաստանի վարչության փոխատենապետ Վազգեն Մեսրոպյանն ու ատենադպիր Հարություն Պալապանյանն այցելել են Մայր Աթոռ Սուրբ Էջմիածին, որտեղ նրանց ընդունել է Ամենայն Հայոց կաթողիկոս Գարեգին Բ-ն: Հանդիպման ժամանակ ի թիվս այլ հարցերի քննարկվել է Սիրիայի հայ համայնքում տիրող օրհասական իրավիճակը, օգնության շարունակականության հնարավորությունները, անդրադարձ է կատարվել կուսակցության և Մայր Աթոռի հարաբերություններին: ՍԴՀԿ ատենապետ Նարեկ Գալստյանն իր խոսքում շեշտել է, որ Հնչակյան կուսակցությունը տասնյակ տարիներ ի վեր եղել է և կանգնած է Մայր Աթոռ Սուրբ Էջմիածնի կողքին և մշտապես պատրաստ է սատար կանգնելու բոլոր ազգանպաստ ծրագրերին, որ իրականացնում է Մայր Աթոռը:
