Ուկրաինայի նախագահ Պյոտր Պորոշենկոն ստորագրել է «Մասնակի զորահավաքի մասին» հրամանը: Այս մասին հայտնում է ria.ru-ն՝ հղում անելով պետության ղեկավարի մամուլի ծառայությանը:
Ուկրաինայի Գերագույն ռադան այս օրենքը հաստատել էր երեկ. որոշման օգտին քվեարկել է նիստերի դահլիճում գրանցված 318 պատգամավորից 232-ը: Օրենքն ուժի մեջ է մտնում հրապարակման պահից:
«Նախատեսվում է մարտական պատրաստականության վիճակի բերել հավելյալ 15 զորամաս, նաև մարտական ապահովման 44 զորամաս»,- հայտնել է Ազգային անվտանգության և պաշտպանության ծառայության քարտուղար Անդրեյ Պարուբին:
