Սիրիայի կառավարության աջակցությամբ և Համաշխարհային առողջապահության և Սիրիայի Կարմիր Մահիկ կազմակերպությունների համագործակցությամբ Դարաայի մարզին տրամադրվել է 13 տոննա բժշկական օգնություն:
Ինչպես հաղորդում է «Արմենպրես»-ը՝ վկայակոչելով սիրիական ՍԱՆԱ գործակալությունը, Դարաայի մարզի առողջ ապահության ղեկավար Աբդ ալ Ուրուդ ալ Հոմսին նշել է, որ 9 բժշկական կենտրոններ ապահովվել են անհրաժեշտ դեղորայքով: Դրանց մեջ տարբեր տեսակի, այդ թվում երեխաների համար նախատեսված դեղորայք է ընդգրկված:
Նա նաև ավելացրել է, որ համագործակցությունը շարունակական է լինելու և շուտով հիվանդանոցներին անհրաժեշտ սարքավորումներ և դեղորայք կտրամադրվեն: Օգնությունը կբաժանվի Դարաայի հյուսիսային շրջանների քաղաքների և գյուղերի միջև:
Բժշկական օգնություն է տրամադրվել նաև Հալեպի արևմտյան և արևելյան գյուղերին:
Նախօրեին օգնություն էր տրամադրվել նաև Դամասկոսի Յարմուք փախստականների ճամբարի բնակիչներին:
