Գոյություն չունեցող չվերթներ հորինելը դարձել է ակնհայտորեն չպահանջված ադրբեջանական «քարոզչասայլի» նոր զբաղմունքը: Ադրբեջանական մի քանի լրատվամիջոցներ օրվա ընթացքում փորձեցին արծարծել այն թեման, թե իբր Ուկրաինայի կառավարությունը հայերից ակնկալում է դադարեցնել դեպի Ղրիմ ուղղությամբ չվերթները, որոնք, պարզվում է, գոյություն էլ չունեն:
ՀՀ կառավարությանն առընթեր քաղաքացիական ավիացիայի գլխավոր վարչության հասարակայնության հետ կապերի պատասխանատու Ռուբեն Գրդզելյանն «Արմենպրես»-ի հետ զրույցում հավաստեց, որ հայկական ավիաշուկայում գործող որևէ ավիաընկերություն դեպի Ղրիմ և հակառակ ուղղությամբ չվերթ չի իրականացնում : «Երևան-Ղրիմ ուղղությամբ չվերթի հայտ չի եղել, չենք քննարկել»,- ասաց նա:
«Գրոզնի Ավիա» ընկերությունը, որն, ըստ ադրբեջանական աղբյուրների, իբր նոյեմբերի 16-ից իրականացնում է Սիմֆերոպոլ-Երևան ուղիղ չվերթ, իրականում թռչում է Երևան-Անապա, Երևան-Կազան ուղղություններով:
