Մադրիդի «Ռեալի» կիսապաշտպան Սամի Խեդիրան նախնական համաձայնության է եկել Մյունխենի «Բավարիայի» հետ: Այս մասին տեղեկացնում է Cadena Ser-ը:
Աղբյուրի տեղեկությունների համաձայն՝ Գերմանիայի հավաքականի ֆուտբոլիստը մյունխենցիներին կմիանա հաջորդ մրցաշրջանում:
«Բավարիան» պատրաստ է Խեդիրային վճարել այնքան աշխատավարձ, որքան ինքն է ցանկանում:
Ֆուտբոլիստի պայմանագիրը «Ռեալի» հետ ավարտվում է 2015թ-ի հունիսին:
Ավելի վաղ, Խեդիրան հայտարարել է, որ չի պատրաստվում լքել մադրիդյան թիմը, իսկ Կարլո Անչելոտին իր հերթին նշել է, որ ակումբը մտադիր է երկարաձգել պայմանագիրը Խեդիրայի հետ:
