Երևանի քննչական վարչության Մալաթիա-Սեբաստիա վարչական շրջանի քննչական բաժնում քննվող քրեական գործով նախաքննության ընթացքում բացահայտվել են քաղաքացի Ս.Ամիրշադյանի նկատմամբ 2014թ. դեկտեմբերի 11-ին կատարված սպանության փորձի մանրամասները, առերեւույթ հանցագործություն կատարած անձի ի նքնությունը։
Դեկտեմբերի 11-ի ժամը 13։15-ին, Մալաթիա ԲԿ-ից ոստիկանության Մալաթիայի բաժին ահազանգ է ստացվել, որ նույն օրը, ժամը 13:10-ին, որովայնի շրջանում հրազենային վնասվածքով իրենց մոտ բուժօգնության է դիմել 1975թ. ծնված Ստեփան Ամիրշադյանը։
Դեպքի առթիվ ՀՀ Քննչական կոմիտեի Մալաթիա-Սեբաստիա վարչական շրջանի քննչական բաժնում դեկտեմբերի 11-ին հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասով և 235-րդ հոդվածի 1-ին մասով։
Ինչպես «Արմենպրես»-ին տեղեկացրին ՀՀ քննչական կոմիտեի տեղեկատվության և հասարակայնության հետ կապերի բաժնից, քննությամբ պազվել է, որ դեպքի օրը՝ ժամը 12-ի սահմաններում Ս.Ամիրշադյանը ՀՀ քաղաքացի Շ.Ավետիսյանի հետ գնացել է «4-րդ գյուղի գերեզմանատուն»՝ միմյանց հասցեներին հայհոյանքներ հնչեցնելու վերաբերյալ պարզաբանումներ կատարելու համար։ Առաջացած վիճաբանության ժամանակ էլ Ամիրշադյանն ստացել է հրազենային վնասվածքը։
Սպանության փորձի կասկածանքով Շ.Ավետիսյանը ձերբակալվել է։ Նախաքննությունը շարունակվում է։ Միջոցներ են ձեռնարկվում՝ քննության լրիվությունն ու բազմակողմանիությունն ապահովելու ուղղությամբ։
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով' դատարանի օրինական ուժի մեջ մտած դատավճռով:
